23 траўня - Дзень народзінаў Кулінковіча ў "NC" - новости на :::RockBy.Net:::
23 траўня - Дзень народзінаў Кулінковіча ў "NC"
У той час, як лідэр "Палацу" Алег Хаменка справіў свой дзень народзінаў у пампезнай рэстарацыі "Журавінка", дзе "Палац" ня так даўно даваў свой канцэрт, Аляксандр Кулінковіч вырашыў справіць сваё ўласнае сьвята больш сьціпла. З нагоды свайго чарговага дня народзінаў, ягоны "Нэйра дзюбель" адыграе вялікі сольны канцэрт у клюбе "NC", што знаходзіцца на вул.Кастрычніцкая, 17 (ст.м.Першампайская).
Па словам лідэра НД, гэты канцэрт будзе звычайным, да прэзэнтацыі новага і першага ў гісторыі групы беларускамоўнага альбома "Танкі" музыкі толькі рыхтуюцца: "Адыграем старую "адкатаную" праграму, пап'ем гарэліцы, павесялімся", - кажа Кулінковіч. "Нэйра дзюбель" часьцяком дае канцэрты на невялічкай сцэне "NC". У вялікіх залях, за выняткам фэсту "Генэралы айчыннага року", калектыў даўнавата не выступаў. Аляксандр тлумачыць гэтую акалічнасьць тым, што ў "Новым клюбе" ня трэба доўга рыхтавацца да выступу. "Прыйсьці ды адыграць без усялякіх замарочак нам лягчэй",- зазначае лідэр НД.Акром "Нэйра дзюбелю" у канцэрце возьмуць удзел музыканты менскіх камандаў "Нагуаль" і "Вірус ліха". Адмыслова пад 23-га яны рыхтуюць супольную панк- праграму. Прынамсі,досыць нечаканы праект, калі ўлічыць, што першыя граюць у стыле псыхадэлічны фольк, а другія заангажаваныя ў рэгі-ска-плыню.
Пачатак вечарыны а 18-ай.
Советуем:7раса, ANIMAL ДЖАZ, APOCALYPTICA, Blind Guardian, DEEP PURPLE, Demon Hunter, DRAGONFORCE, EverEve, FEAR FACTORY, FLЁUR, GUANO APES, Hammerfall, I.F.K., Kreator, KROK, MetallicA, Nasic, Sandra, Nevma, P.O.D., PANTERA, PAPA ROACH, partyzone, Sepultura, Soilwork, Soulfly, SYSTEM OF A DOWN, Tankian, Serj, TRISTANIA, АГАТА КРИСТИ, Ария, АУКЦЫОН, Башлачев, Александр, Дай Дарогу, Женщина с Бородой, КИНО, КИПЕЛОВ, КИРПИЧИ, Король и Шут, Кукрыниксы, ЛЯПИС ТРУБЕЦКОЙ, Мроя, Сектор газа, Сплин, ТТ-34, ЭпикриЗ |
