Навіны
|
Электрычны канцэрт NRM пра 10 лютага 2010
У першай частцы імпрэзы музыкі гралі песні са сваёй слаўнай маладосці, з рэпертуару «Мроі». «Паляванне на вядзьмарак», «Ён яшчэ вернецца» і іншыя хіты не страцілі сваёй вастрыні (можа, на жаль, не страцілі) і былі цёпла сустрэтыя публікай. У другой частцы NRMаўцы вярнуліся да свайго больш звыклага амплуа і выканалі творы з розных альбомаў – «Тры чарапахі», «Дом культуры», «06» ды іншых. Лявон Вольскі актыўна перамаўляўся са слухачамі, забаўляў, мяняў дыспазіцыю – «Чыстая-светлая» ён спяваў лежачы. Цікавай акалічнасцю быў выхад бубнача Алезіса Дземідовіча ў якасці спевака сваёй песні «Кітай», Вольскі ў гэты час граў на бубнах. Наогул, канцэрт атрымаўся вельмі прыемным, за выключэннем непазбежнага цыгарэтнага дыму (а можа адсылаць усіх курцоў «у сад?»). Нельга не пагадзіцца з Пітам Паўлавым, які параўнаў стаўленне прыхільнікаў групы да іх творчасці з добрым віном. Можна і саму творчасць параўнаць з добрым вытрыманым віном, якое хочацца піць зноў і зноў. Аўтар: Gram
Дадаў Joanna 12.02.2010 Каментаваць.
03.10.2014 EXPERTY.BY - Akute и Лявон Вольский возглавили рейтинг за полугодие
12.01.2011 N.R.M. адправілі Вольскага ў "бестэрміновы адпачынак" без ягонага ведама 28.01.2010 N.R.M. споет песни «Мроi» 10 февраля в Минске 23.02.2005 Канцэрт Вольскага ў ЗША 15.02.2004 Група N.R.M. прэзэнтавала бэставую складанку "Справаздача 1994-2004" 05.01.2004 8 января в к/з Минск пройдет концерт группы НРМ
| ||||||
|
|
|
