Новости
|
Дзякуй за альтэрнатыву, цi канцэрт IAMX у Мiнску
Дарэчы, тым хто не ведаў: калi ноччу пайсцi ўглыб амазонскiх джунгляў, можна сустрэць Крыса i ягоных музыкаў. Крыс Корнэр, удзельнiк культавай ангельскай групы Sneaker Pimps, прывез ў сталiцу свой уласны праект IAMX з апошнiм альбомам Metanoia. Канцэрт праходзiў у рамках праекта “Музыка не для усiх”. Пазнаёмiўшыся з творчасцю IAMX праз lastfm яшчэ у 2010, я чакаў прыезда Крыса ў Мiнск больш за 5 гадоў. Дарэчы за гэты час гурт пасьпеў выпусьцiць 3 паўнафарматных альбома i зрабiць некалькi сусветных тураў. Крыс незлiчоную колькасць разоў змяняў свой сцэнiчны вобраз, але што засталося непахiсным - так гэта суперскае шоў, генiяльная музыка i чароўная атмасфера канцэртаў. Што сказаць, тых, хто прыйшоў у гэты дзень на канцэрт чакала сапраўднае шоў, музыка з якога складала мабыць толькi палову, а то i трэццюю частку агульнага ўражання. На сцэне адбывалася шмат розных падзей, якiя на першы погляд нават складана разам уявiць: гэта i рокнрол с ценью глэма i iндастрыяла, i сюррэлiястчыныя вобразы на экранах, i спяваючыя на нямецкай мове полуголыя жанчыны, i нават iндэйскiя танцы над бубнамi. Сэт пачаўся з моцнай I come with knives - першага трэку з The Unified Field. Крыс з'явiуся на сцэне цалкам у чорнай вопратке i капялюшы з пер'я. Зала не дала сябе доўга чакаць i адразу адрэагавала спевамi ды танцамi. Музыку IAMX можна ахарактарызаваць як напружанную, нават “вострую”, з яркiм эмацыянальным вакалам. Сiнтэзатары кулямi пранзалi паветра i пакiдалi след у памяцi i сэрцах слухачоў. Складалася ўражанне, што кожная песня гурта мае сваё асобнае жыццё, якое сканчваецца недзе каля 27: нараджэнне, поўнае напружання, пачуццёў i эмоцый юнацтва i смерць. Не паспеў сэт музыкаў перавалiць за экватар, як ўжо прагрукаталi ўсiмi вядомая хiты, такiя, як The Alternative, Happiness ды Nightlife. Пад час апошняга сiнглу Northern star фанзона зрабiла невялiкi, але вельмi прыгожы флэшмоб з папяровымi зоркамi i лiхтарыкамi ад тэлефонаў. Музыкi 2 разы выходзiлi на бiс, а на прыканцы канцэрту да рытуалаў, што адбываліся на сцэне, далучылася некалькi чалавек з натоўпу. Апошняй песняй сэту была вядомая Mercy. Нажаль, музыкi не згулялi ўсiмi чаканую After Every Party I Die, але будзем спадзявацца, што мы пачуем яе, калi гурт прыедзе ў наступны раз, што судзячы па тым, як Крысу спадабаўся гэты канцэрт, вельмi верагодна! Крыс Корнэр, сапраўдны твар якога так нiхто i не ўбачыў, падзякаваў усiх за канцэрт, i пайшоў у грымерку, пакiнуўшы фанатаў адзiн на адзiн з безумоўна аднiм з самых яркiх i нязвычных беларускiх канцэртаў першай паловы 2016.
Добавил pashtett 11.03.2016 Комментировать.
| ||||||
|
|
Онлайн 222 человека <подробнее> |
