Аб’яўлены поўны лайнап Mirum Music Festival’15Яшчэ адзін госць з Украіны — гэта DaKooka. Таленавітая вакалістка, аўтар і выканаўца, піаністка і dj. Яе творчасць – гэта сінтэз розных музыкальных кірунукаў: trip-hop, experimental, indie, pop, drum’n’bass. Нядаўна DaKooka выпусціла свой дэбютны альбом Radha і прадставіць разам з DaKooka live band. Іх жывыя выступы — гэта заўсёды шоў, якое уражвае да глыбіні душы, таму прапускаць такое не рэкамендуем. На фэсце зноў выступяць Ніно Катамадзэ & Insight. У гэтым годзе яны прэзентуюць асаблівую праграму, таму што выступяць у суправаджэнні струннага квартэту “N”. Вельмі цікавы расійскі гурт «НААДЯ» таксама прыедзе на Mirum. Гурт называюць самай прыкметнай з’явай на незалежнай сцэне Расіі за апошнія гады. Беларускія гурты прадставяць Shuma — унікальны для беларускай сцэны музычны праект. Сёлета яны выпусцілі дэбютны альбом Znivo, які спалучыў у сабе народныя песні і сучасную еўрапейскую электронную музыку. За драйв на фестывалі будуць адказваць Нагуаль — шаманскія рок’н’рольшчыкі, этнічныя сюррэалісты і проста музыкі, якія выпрацоўваюць процьму энергіі. На сцэне таксама з'явіцца новы праект Таццяны Гарошка (aka Tanin Jazz) — Take the Cookies з арыгінальным матэрыялам у стылі ню-дыска, слоў-дыска і інды ў спалучэнні з прыгожымі тэкстамі Алены Аракелян. І яшчэ адзін украінскі гурт у праграме фэсту — гэта Dzierzynski bitz. Калектыў, які паспяхова спалучае ў сваёй творчасці рамантыку, лоск сучаснага нью-вэйву, джазавыя акорды і шарм вінтажнага гуку. Сёлета будуць наладжаныя бас-туры з чатырох гарадоў: Брэста, Гродна, Гомеля і Менска. Госці з іншых гарадоў змогуць даехаць з Менску на маршрутных таксі, а таксама на электрычцы. На фестывалі будзе працаваць зона фуд-корта. Ужо вядома, што ўдзельнікамі фуд-корту будуць штукарская пякарня і цукерня «Жорны», фалафелі «ележжеле», чыпсы, зробленыя па тэхналогіі «спіральная бульба», традыцыйныя мірскія "Dranik-on-the-go" і яшчэ шмат усялякай ежы і напояў. Арганізатары абяцаюць, што галодным фестываль не пакіне нікога. Застацца на ноч госці змогуць у адной з трох агра-сядзібаў і, як і летась, будзе прапанаваная спецыяльная тэрыторыя пад намётавы гарадок. Квіткі на фестываль можна купіць на сайце і ў касах kvitki.by па ўсёй Беларусі. Больш інфармацыі пра фестываль на mirummusicfestival.by , а таксама ў суполках фестывалю ў facebook і VK. Паводле Generation.by.
Добавил pashtett 22.07.2015//=date('j',$res['date'])?>//=$monthArray[date('m',$res['date'])]?>//=date('Y',$res['date'])?> Комментировать. |
|
Онлайн 477 человек <подробнее> |