Онлайн группа Новости Форум mp3 Табы Ссылки Чат
Рок па вакацыях 2012: вялікі опэн-эйр у першы дзень восені - новости на :::RockBy.Net:::

Рок па вакацыях 2012: вялікі опэн-эйр у першы дзень восені

 
1 верасня, у мінскім парку Dreamland адбудзецца штогадовы фестываль беларускай музыкі «Рок па вакацыях». У канцэрце прымуць удзел гурты Akute, Pomidor/Off, Clover Club, Znich, J-J Bingz, ZM99 і Step Hall. Фестываль «Рок па вакацыях» — знакавае мерапрыемства для сучаснай беларускай культуры. У пачатку 90-х у маладой беларускай рок-супольнасці ўзнікла ідэя зладзіць для школьнікаў і студэнтаў свята нефармальных зносін пасля летняга адпачынку і паказаць гатовасць музыкаў да новага канцэртнага сезону.

Першы фестываль адбыўся 1 верасня 1993 году і да 1997 году праходзіў штогадова. Пасля наступіла працяглая паўза. З новымі арганізатарамі «Рок па вакацыях» адрадзіўся ў 2008 годзе і зноў адбываецца штогод.

Сёлета фестываль пасля шматгадовага перапынку вяртаецца да старой традыцыі адкрытых пляцовак: «Рок па вакацыях» упершыню пройдзе ў парку забаваў Dreamland. Парк размяшчаецца па вуліцы Арлоўскай, у 15 хвілінах язды ад станцыі метро «Няміга». Апроч таго, на канцэртнай пляцоўцы дазволены продаж піва — нязменнага атрыбуту добрага опэн-эйра.

Парк Dreamland (вул. Арлоўская, 80).
Пачатак у 17:00.
Квіткі: 60 000 (папярэдні продаж), 80 000 (у дзень мерапрыемства).
Квіткі прадаюцца ва ўсіх касах kvitki.by (больш за 70 кропак у Мінску) і анлайн.

Даведкі: +375 29 2544909, +375 29 6715865.

Музыкальные

Группы

©2002-2024 RockBy.Net по всем вопросам пиши на aleks@rockby.net
Онлайн 245 человек, среди них РОКЕРЫ: Michailfzj, Michailnrm <подробнее>