:::RockBy.Net:::

[Eduard]

20 января в 19-00 в минском фольварке «Добрые мысли» (ул. Могилевская 12/1) состоится концерт групп ZigZag и РоСтра. В рамках концерта группа ZigZag отыграет большой сет из старых, полюбившимся многим, песен, а также композиции со своего нового альбома «Тры расейскія літары». В качестве подарка от группы ZigZag – демонстрация новых клипов. РоСтра же презентует свой сингл (РоСтра – The Single). В пластинку вошли по большей части старые песни, но есть и несколько сюрпризов: например ремикс на «У Вырай!», выполненный командой «tweezers» из Санкт-Петербурга и видеоклип на одну из первых песен РоСтры (клип будет продемонстрирован на презентации).
Не пропустите!
Итак, ждём вас 20 января в 19-00 в фольварке «Добрые мысли». Он находится по адресу ул. Могилевская 12/1, что в двух шагах от метро «Институт Культуры».

Заказ мест по телефонам:
+37529-7761825
+37529-1745812
+37529-6343745
Или в самом клубе

[Eduard]

вось так выглядае наш сінгл, які будзе прадстаўлены 20-га студзеня

[Eduard]

Мы звыкла прачынаемся раніцай, звыкла спрасонку шукаем нагой тапак на падлозе, звыкла снедаем, звыкла мыемся, апранаемся, звыкла працуем, як звычайна сустракаемся з сябрамі... звыкла кудысьці йдзем і кудысьці вяртаемся... Дзень за днем, тыдзень за тыднем...
Але часам нешта і нехта мяняе звыклы ход рэчаў і рэчы перастаюць быць звыклымі... Мы запускаем музычны дыск, проста, як звычайна, фонам. Але раптам гук запаўняе сабой усю свабодную вакол цябе прастору, потым – усю несвабодную. Затым ён напаўняе цябе, пасьля чаго ўжо твае жыцьце набывае новае гучаньне...
Мы ймкнуліся, каб такім дыскам стаў сінгл гурта РоСтра «The Single».
У двух словах пра песьні сінгла.

“Для Бацькаўшчыны”
Песьня вяселая, пад яе можна танчыць, калі душа папросіць. Адна з першых песень, з якой пачалася РоСтра ў тым выглядзе, у якім яе можна бачыць і чуць зараз. Гэтая песьня можа быць нават своеасаблівым сымбалям гурта: нарадзілася на адным дыханьні, пастаянна зьмяняецца й дапрацоўваецца, дапаўняецца новымі элементамі й новымі формамі гучаньня. Акрамя таго, варыянт, запісаны для дыска, некалькі адрозьніваецца ад канцэртнай версіі. Складана сказаць, які варыянт лепш: кожны добры па-свойму й яны не могуць параўнацца. Таму ёсьць магчымасьць вызначыць, які варыянт мы напісалі менавіта для цябе. Бо, як вядома, кожнаму сваё...


«За крок да сонца»
Песьня гарадскіх рамантыкаў, здольных разглядзець усход і заход у каменных джунглях горада, злавіць сонца на шкельца гадзінніка й перадаць яго промні таму, хто яго не заўважыў, захаваць цяпло свайго сэрца сярод бетону й металу, і захаваць новы дзень сонечнай усьмешкай. Песьня дастаткова простая й па тэксту й па пабудове. Як і нашае жыцьце. А ці трэба ўскладняць?..

«Куфар»
Песьня напісана для альбома, выпушчанаму да юбілею беларускай паэткі Л. Геніюш «Л.Геніюш. Мэлёдыка паэзіі» на словы з паэмы «Куфар». Калі яе чуеш, складана паверыць, што яна была напісана за два тыдні на словы, якія былі абраныя выпадкова. А можа й не выпадкова... Кожны ў дзяцінстве, напэўна, не раз перабіраў рэчы бабулінай скрынкі, куфра са «скарбамі»: кожная рэч асаблівая, з асаблівым водарам. І над песьняй нам дапамаглі працаваць гэтыя ўспаміны з дзяцінства: адчуваньне бабулінай шурпатай далоні на шчацэ, дамашняя ўтульнасьць, пірагі й сочыва, і галоўнае – той пах рэчаў з бабулінага куфру. І няхай гэтая песьня паклікае з дальніх кутоў памяці гэтыя сьветлыя дзяцінскія ўспаміны, і ты ўспомніш той пах – пах тайны, пах загадкі, які зачароўвае і ахутвае.

«Запушчаны палац»
Песьня пра тое, што ўтойваюць у сябе закінутыя замкі. Зараз у Беларусі велізарная колькасьць такіх паўразбураных, а, часьцяком, і цалкам страчаных помнікаў архітэктуры. Іх разбурае час, вандалы яму дапамагаюць. Мясцовыя жыхары разьбіраюць сцены замкаў і выкарыстоўваюць цэглу для будоўлі гаспадарчых будынкаў. А кожная сцяна, кожная цагліна – маўклівыя сведкі гістрыі нашай краіны. Нехта зь іх помніць дзіўныя пастаноўкі радзівілаўскіх тэатраў, нехта – боль і адзіноту караля Жыгімонта пасьля страты каханай Барбары, нехта – першыя крокі Марты Скаўронскай, якая стала вядомай, як Кацярына І. Яны памятаюць раскошу баляў й жахі бітваў, яны сведкі таямніц і змоў. Камусьці пашчасьціла ўбачыць дзікае паляваньне караля Стаха, а камусьці гістраычныя моманты, якія маюць значэнне для лёсу краіны. Кожнаму з разбураных і закінутых замкаў есьць што ўзгадаць і што распавесьці...
Музыкі РоСтры ў час вандровак па Беларусі здымалі на пленку руіны закінутых замкаў. Гэтыя здымкі пасьля сталі матэрыялам для кліпа.
Гэтая песьня, напісаная на санет Янкі Купалы – магчымасьць звярнуць увагу на тое, што адбываецца з нашай гісторыяй, з яе помнікамі.
Дарэчы, упершыню песьня была выканана на дабрачынным фэсту «Крэўскія камяні-2005», дзе зьбіраліся сродкі на кансэрвацыю Крэўскага замка. Чым уславіўся гэты замак і горад Крэва? Гэта нашая гісторыя.

“У вырай”
Песьня, таксама напісаная на верш Я. Купалы. Стыль і мелодыку песьні абумовіла ўсведамленне таго, што новае гучанне прыдаецца не проста прыгожаму і меладычнаму вершу, а вершу Янкі Купалы – сімвала беларускай нацыянальнай культуры. Янка Купала – гэта не проста пласт беларускай літэратуры – гэта нацыянальны здабытак. І наданьне легкай агранкі ўжо ідэальнаму твору робіць гэтую кампазіцыю добрым прыкладам новага гучання класікі.

“У вырай (tweezers_mix)”
Гэтая песьня – эксперымент і прыклад таго, што ўсе ў жыцці адбываецца тады, калі мусіць адбыцца, і не раней. РоСтра даўно планавала зрабіць рэмікс на адну з песень. Спробы зрабіць самім цікавы рэмікс на сваю песьню ні да чаго канкрэтнага не прывялі. А ў адзін у адзін выдатны момант нечакана з’явіліся хлопцы з менска-піцерскай каманды «Tweezers», якія знайшлі песьню «У вырай» на складанцы «Песьні Свабоды-3» і прапанавалі зрабіць рэмікс на яе. Мы згадзіліся. І атрымалі незвычайную для нас кампазіцыю і ўпэўненасьць у тым, што ўсе будзе, трэба толькі правільна захацець.



Такім чынам, складана адным словам вызначыць стыль сінгла. У ім, як звычайна вяршэнствуе свабода творчасьці – свабода стылю, характэрная для РоСтры. Нам бы хацелася, каб пасьля таго, як вы праслухаеце дыск, вы б успомнілі тое прыемнае, што захоўваецца ў глыбіні памяці, і проста так не з’яўляецца, толькі па асаблівых выпадках, каб вы ўсьміхнуліся сваім успамінам і таму, што побач з вамі зараз, каб усьвядомілі сябе часткай нашае гісторыі, каб вы атрымалі маленькі зарад аптымізму і адчуваньне таго, што жыцьце выдатнае... Такія дробязі мы не заўважаем у штодзеннай мітусьні... Наш дыск – гэта адлюстраваньне сьвету, рэчаіснасьці такой, якой мы яе бачым... І мы гатовыя падзяліцца гэтым з вамі.

Прэзентацыя сінгла адбудзецца 20 студзеня ў фальварку Добрыя Мысьлі (Магілеўская, 12/1 (100метраў ад м. “Інстытут Культуры”). Замова квіткоў па тэлефонах: (029)7761825, (029)1745812

http://rostra.info

[Eduard]

У аўторак, 19 лютага на хвалях радыё Сталіца з 21-30 да 22-15 адбудзецца праграма з ўдзелам РоСтры, дзе музыкі паразмаўляюць пра тое-сёе і прагучаць песьні з "The Single"
Слухайце!