IQ48 без Фрэйда - новости на :::RockBy.Net:::
Адзін з заснавальнікаў і вакалістаў гурта IQ48, вядомый як Фрэйд, выйшаў са складу гурта. Па словах Фрэйда, рашыцца на гэткі рызыкоўны крок было цяжка, але патрэбна: " З часам мне захацелася рабіць зусім іньшую музыку. У межах гурта гэта было немагчыма, а сумяшчаць не хацелася, бо часу і так не хапае. Пры гэтым нашыя адносіны засталіся нармалёвымі і мы абавязкова будзем супрацоўнічаць".
Зараз Фрэйд працуе над новым праектам - "Пан Жыжма". Стыль музыкі гурта вызначаецца як "фольк-рэп". У праекце таксама будуць браць удзел музыкі разных камандаў. "Ужо ёсьць дамовы з "Нагуаль", зь "Нестандартным Варыянтам", з Чыманком. Яны будуць дзе сьпяваць, дзе граць, дзе дапамагаць ідэйнай падтрымкай". Першую песьню "Пана Жыжмы" можна пачуць будзе ужо вельмі хутка - на складанцы беларускамоўнага рэпу, якую рыхтуе БМА. Гэта гіранічная кампазыцыя, напісаная па матывах украінскай народнай песьні, на сэмплы з "Палацу" (песьня "Ой долам…").
|
